Astronomlar ASKAP radioteleskoplar kompleksi yordamida kosmosda fanga ma’lum biror obyektga o‘xshamaydigan g‘ayrioddiy radionurlanish halqalarini aniqladi, deb xabar beradi “Korrespondent.net”.
2019-yilning oxirida Koinotning evolyutsion xaritasi (EMU)ni tuzish maqsadida ma’lumotlarni yiqqan ASKAP uchta g‘ayrioddiy halqasimon obyektlarga duch kelgan. U ular samoda xuddi kosmik tutun halqasi kabi osilib turganiga guvoh bo‘lgan.
Astronomlar ularni “g‘ayrioddiy radiohalqalar” deb atamoqda.
Avvaliga olimlar buni dasturiy ta’minotdagi xatoliklar sabab yuzaga kelgan deb hisoblagan, biroq boshqa radioteleskoplar ularning haqiqatda borligini tasdiqlagan. Obyektlarni faqat radioto‘lqinlar orqali ko‘rish mumkin va rentgen, optik yoki infraqizil diapazonda aniqlashning iloji yo‘q.
EMU loyihasining tadqiqotchilari ASKAP’dagi barcha ma’lumotlarni tekshirib chiqib, bu kabi radiohalqalardan yana mingga yaqini borligini aniqlagan. Hozircha olimlar ushbu obyektlargacha bo‘lgan masofa, ularning o‘lchamlari va kelib chiqish ehtimolligi to‘g‘risida hech narsa ma’lum emas.
Ishchi versiyaga ko‘ra, g‘ayrioddiy radiohalqalar — bu uzoq galaktikalarda sodir bo‘lgan portlashlar, tezkor radiochaqnashlar yoki neytron yulduzlarning qora tuynuk bilan to‘qnashuvi oqibatida paydo bo‘lgan to‘lqin zarbalari bo‘lishi mumkin.
Ayni vaqtda butun dunyo bo‘ylab ushbu radiohalqalarni kuzatishni davom ettirishga yordam beradigan radioteleskoplar qidirilmoqda.
Izoh (0)