Xitoyning “Chane-5” kosmik apparati Oy yuzasida muvaffaqiyatli qo‘nishni amalga oshirdi. Bu haqda Meduza xabar berdi.
Qo‘nish 1-dekabr kuni Toshkent vaqti bilan soat 20:15 da Oyning Yerga ko‘rinadigan tomonining g‘arbiy qismidagi Bur okeanining Ryumker cho‘qqisi hududida amalga oshdi.
Mazkur missiyaning maqsadi Oydagi tuproq namunasini olish, bu vazifani bajarish uchun Oy yuzasidagi modulning 48 soat vaqti bor. Keyin esa uchish apparati taxminan ikki kilogramm tuproqni o‘z ichiga olgan kapsulani orbitadagi modulga olib chiqadi. Orbitadagi modul esa Yerga qaytib keladi.
Missiya muvaffaqiyatli amalga oshgan taqdirda Xitoy AQSh va SSSRdan keyin Oy yuzasidan Yerga tuproq olib kelgan dunyodagi uchinchi mamlakat bo‘ladi. Oy tuprog‘ini Yerga olib kelish bo‘yicha oxirgi missiya 1976-yilda amalga oshirilgan.
Eslatib o‘tamiz, Xitoy Oyni tadqiq etish uchun “Chane-5” zondi ortilgan “Chanchjen-5” raketasini 25-noyabr kuni muvaffaqiyatli uchirgandi. 30-noyabr kuni “Chane-5” Oyga qo‘nish bo‘yicha tayyorgarlikni boshlagani haqida xabar berilgandi.
Izoh (0)