Braziliyadagi qurilmalarni sertifikatlash uchun javobgar Anatel tashkilotining hujjatlari Samsung’ning yangi modeli xuddi yangi iPhone’lar kabi quvvatlantirgich va naushniklarsiz sotuvga chiqishini tasdiqladi. Galaxy S21 smartfonlari qutisidan faqat USB Type-C kabeli o‘rin oladi xolos, deb xabar beradi Hi-Tech.Mail.ru.
Samsung iPhone 12 anonsidan so‘ng, ijtimoiy tarmoqlar orqali Apple’ga nisbatan hazil qilgani e’tiborga olinsa, bu kompaniya tomonigan qabul qilingan qiziq qaror hisoblanadi.
Apple o‘zining mazkur qarorini ekologiya to‘g‘risida qayg‘urayotgani bilan izohlagan. Olib qo‘yilgan jamlanmalar smartfon qutisi o‘lchamining kichrayishiga sabab bo‘ladi, bu esa ularni utilizatsiya qilishda zararli chiqindilarning havoga tarqalishini kamaytiradi. Shuningdek, bu elektron chiqindilar darajasini ham pasaytirishga xizmat qiladi. Apple’ning hisob-kitoblariga ko‘ra, bu kabi o‘zgarish karbonat angidridning yiliga 2 million tonna havoga chiqishini qisqartiradi. Bu xuddi har yili yo‘llardan 450 mingta avtomobilni olib tashlashdek gap.
Samsung o‘zining ushbu qaroriga qanday izoh berishi hozircha noma’lum.
Galaxy S21 lineykasi keyingi yilning boshida taqdim etiladi. Mish-mishlarga ko‘ra, taqdimot 14-yanvar sanasiga mo‘ljallangan.
Avvalroq Xiaomi iPhone 12 quvvatlantirgichsiz sotuvga chiqqani sabab Apple’ning ustidan kulgandi.
Izoh (0)