Бразилиядаги қурилмаларни сертификатлаш учун жавобгар Anatel ташкилотининг ҳужжатлари Samsung’нинг янги модели худди янги iPhone’лар каби қувватлантиргич ва наушникларсиз сотувга чиқишини тасдиқлади. Galaxy S21 смартфонлари қутисидан фақат USB Type-C кабели ўрин олади холос, деб хабар беради Hi-Tech.Mail.ru.
Samsung iPhone 12 анонсидан сўнг, ижтимоий тармоқлар орқали Apple’га нисбатан ҳазил қилгани эътиборга олинса, бу компания томониган қабул қилинган қизиқ қарор ҳисобланади.
Apple ўзининг мазкур қарорини экология тўғрисида қайғураётгани билан изоҳлаган. Олиб қўйилган жамланмалар смартфон қутиси ўлчамининг кичрайишига сабаб бўлади, бу эса уларни утилизация қилишда зарарли чиқиндиларнинг ҳавога тарқалишини камайтиради. Шунингдек, бу электрон чиқиндилар даражасини ҳам пасайтиришга хизмат қилади. Apple’нинг ҳисоб-китобларига кўра, бу каби ўзгариш карбонат ангидриднинг йилига 2 миллион тонна ҳавога чиқишини қисқартиради. Бу худди ҳар йили йўллардан 450 мингта автомобилни олиб ташлашдек гап.
Samsung ўзининг ушбу қарорига қандай изоҳ бериши ҳозирча номаълум.
Galaxy S21 линейкаси кейинги йилнинг бошида тақдим этилади. Миш-мишларга кўра, тақдимот 14 январь санасига мўлжалланган.
Аввалроқ Xiaomi iPhone 12 қувватлантиргичсиз сотувга чиққани сабаб Apple’нинг устидан кулганди.
Изоҳ (0)