Yangi iPhone 12 2020-yilning oktabr oyida taqdim etilgan smartfonning foydalanuvchilari gadjet ekrani bloklangan holatda ham quvvati tez tugayotganidan shikoyat qilishni boshladi, deb xabar beradi Hi-Tech.Mail.ru.
Shikoyat qilayotganlarning deyarli barchasida bir xil muammo — smartfon fon rejimida quvvatini juda tez sarflamoqda, bir necha soat ichida quvvatning 50 foizini.
Hozircha yangi iPhone’lar fon rejimida nima uchun ko‘p quvvat sarflanayotganining sababi aniqlanmagan. Foydalanuvchilar 5G’ni o‘chirib qo‘ygan va smartfonni Wi-Fi’ga ulangan holda qoldirgan. Batareya sarfi hamon o‘sha darajada.
Hozirda internetda iPhone 12’ning minglab shikoyatlarini uchratish mumkin, biroq Apple hamon vaziyatga hech qanday izoh bermagan.
Taxminlarga ko‘ra, muammo oxirgi marta yangilangan iOS bilan bog‘liq bo‘lishi mumkin, chunki yangi iPhone’lar oktabr oxiridan buyon sotilmoqda, shikoyatlar endi paydo bo‘la boshladi. Shu sababli Apple operatsion tizimining keyingi yangilanishlarida muammoni bartaraf etishi mumkin.
Mavzuga doir: iPhone 12 qancha vaqt ichida 100 foiz quvvatlanadi?
Izoh (0)