Futbol bo‘yicha Angliya Premyer Liga 11-turida “Tottenhem” 6-dekabr, yakshanba kuni “Arsenal”ni qabul qildi.
Uchrashuvning 13-daqiqasida Harri Keynning uzatmasidan keyin Son Hyon Min jarima maydoniga yaqinlashib bordi va chiroyli zarba yo‘llagan holda hisobni ochdi. Shundan keyin mehmonlar faollikni oshirdi, Joze Mourinyo shogirdlari esa asosan qarshi hujumga e’tibor qaratdi.
Birinchi bo‘lim yakunlanishi arafasida endi Son Hyon Min Keynni uzatma bilan ta’minladi va angliyalik hujumchi imkoniyatini ko‘kka sovurmadi. Ikkinchi bo‘limda “shporlar” e’tiborni to‘liq himoyaga qaratdi. Biroq Mikel Arteta shogirdlari “Tottenhem” himoyasini yorib o‘ta olmadi.
Ushbu g‘alabadan keyin “Tottenhem” ochkolarini 24 taga yetkazib olgan holda 1-o‘ringa qaytdi. “Arsenal” (13) 15-pog‘onada qolmoqda.
Shuningdek, kun doirasida o‘tkazilgan o‘yinlarda “Lester” so‘nggi daqiqadagi gol evaziga “Sheffild Yunayted”ni mag‘lubiyatga uchratdi va 21 ochko bilan 3-o‘ringa ko‘tarildi. “Kristal Pelas” esa “Vest Bromvich”ni 5:1 hisobida taslim etdi.
APL
11-tur bahslari
6-dekabr, yakshanba
“Tottenhem” — “Arsenal” 2:0
Gollar: 1:0 – 13 Son Hyon Min, 2:0 – 45+1 Keyn.“Tottenhem”: Lyoris, Alderveyreld, Regilon, Orye, Dayer, Hyoybyerg, Sissoko, Bergveyn (Rodon, 90), Lo Chelso (Devis, 72), Son Hyon Min (Lukas Moura, 88), Keyn.
“Arsenal”: Leno, Gabriel, Holding, Tirni, Belyerin (Nketia, 75), Saka, Parti (Sebalyos, 45), Jaka, Villian, Obameyang, Lyakazett.
Ogohlantirishlar: Lo Chelso (41), Jaka (75), Lyakazett (80).
“Sheffild Yunayted” — “Lester” 1:2
Gollar: 0:1 – 24 Peres, 1:1 – 26 Makberni, 1:2 – 90 Vardi.“Vest Bromvich” — “Kristal Pelas” 1:5
Gollar: 0:1 – 8, avtogol Ferlong, 1:1 – 30 Gallaxer, 1:2 – 55 Zaa, 1:3 – 59 Benteke, 1:4 – 68 Zaa, 1:5 – 82 Benteke.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)