“Manchester Yunayted” Angliya Premyer Ligasining 11-turi doirasida kechgan 5-dekabr kungi o‘yinda “Vest Hem”ni mag‘lubiyatga uchratdi (3:1).
Mazkur bahsda “Manchester Yunayted” yarim himoyachisi Brunu Fernandesh o‘zining yorqin o‘yini bilan ajralib turdi. 26 yoshli portugaliyalik futbolchisi Premyer Liga 2020/21-yilgi mavsumida 35 ta golli vaziyat yaratdi. Bu top-5 ligalar futbolchilari orasida hozircha eng yaxshi ko‘rsatkich bo‘lib turibdi.
Brunu 2020-yilning yanvarida “Sporting”dan “Manchester Yunayted” safiga kelib qo‘shilgandi. Manchesterliklar uni 55 million yevro evaziga sotib olgandi.
Joriy mavsum 26 yoshli futbolchi Angliya chempionatida 16 ta o‘yin o‘tkazib, 10 ta gol va oltita golli uzatma muallifiga aylandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)