AQShda 1993-yilda ishlab chiqarilgan va 27 yil davomida havo aylanib turadigan garajda saqlangan mutlaqo yangi Chevrolet Corvette C4 sotuvga qo‘yildi. Avtomobil ro‘yxatga qo‘yilmagan va uning qadog‘i buzilmagan: zavoddagi himoya plyonkalari saqlanib qolgan, odometridagi masofa esa 42 kilometrni ko‘rsatib turibdi, deb xabar beradi Motor.
Chevrolet Corvette C4 sotuvchisining tasdiqlashicha, mashina mo‘tadil haroratga ega quruq garajda saqlangan bo‘lib, uning dvigateli har oy grafik bo‘yicha ishlatib turilgan. Sportkar holati idealga yaqin: salonga tegilmagan, o‘lchami 255/45 R17 ga teng Goodyear shinalari kiygizilgan.
Qizil charmdan ishlangan tepa qismi uzoq yillar ta’sirida eskirgan, biroq Corvette C4’ning umumiy ahvoli endigina konveyrdan chiqqandek.
Mashina kapoti ostida 304 ot kuchiga (461 Nm) ega 5,7 litrli V8 benzin dvigateli o‘rin olgan bo‘lib, u olti pog‘onali mexanik uzatmalar qutisi yordamida boshqariladi. 40th Anniversary Edition versiyasining standart jamlanmasidan konditsioner, raqamli spidometr va Bose audiotizimi o‘rin olgan.
Sotuvga qo‘yilgan Chevrolet Corvette C4’ning narxi 41 995 dollardan boshlanadi. Taqqoslash uchun, bazaviy jamlanmaga ega yangi Corvette C8’ni 58 900 dollarga xarid qilish mumkin.
Avvalroq AQShda 20 yil davomida 55 kilometr yo‘l bosgan Honda S2000, shuningdek, Ford GT’ning bosh dizayneri o‘zining ijod namunasini bo‘lgan model sotuvga qo‘yilgani to‘g‘risida xabar berilgandi.
Izoh (0)