АҚШда 1993 йилда ишлаб чиқарилган ва 27 йил давомида ҳаво айланиб турадиган гаражда сақланган мутлақо янги Chevrolet Corvette C4 сотувга қўйилди. Автомобиль рўйхатга қўйилмаган ва унинг қадоғи бузилмаган: заводдаги ҳимоя плёнкалари сақланиб қолган, одометридаги масофа эса 42 километрни кўрсатиб турибди, деб хабар беради Motor.
Chevrolet Corvette C4 сотувчисининг тасдиқлашича, машина мўътадил ҳароратга эга қуруқ гаражда сақланган бўлиб, унинг двигатели ҳар ой график бўйича ишлатиб турилган. Спорткар ҳолати идеалга яқин: салонга тегилмаган, ўлчами 255/45 Р17 га тенг Goodyear шиналари кийгизилган.
Қизил чармдан ишланган тепа қисми узоқ йиллар таъсирида эскирган, бироқ Corvette C4’нинг умумий аҳволи эндигина конвейрдан чиққандек.
Машина капоти остида 304 от кучига (461 Нм) эга 5,7 литрли В8 бензин двигатели ўрин олган бўлиб, у олти поғонали механик узатмалар қутиси ёрдамида бошқарилади. 40тҳ Anniversary Edition версиясининг стандарт жамланмасидан кондиционер, рақамли спидометр ва Bose аудиотизими ўрин олган.
Сотувга қўйилган Chevrolet Corvette C4’нинг нархи 41 995 доллардан бошланади. Таққослаш учун, базавий жамланмага эга янги Corvette C8’ни 58 900 долларга харид қилиш мумкин.
Аввалроқ АҚШда 20 йил давомида 55 километр йўл босган Honda С2000, шунингдек, Ford ГТ’нинг бош дизайнери ўзининг ижод намунасини бўлган модель сотувга қўйилгани тўғрисида хабар берилганди.
Изоҳ (0)