2020-yilning dastlabki 10 oyi davomida O‘zbekistonda 1,7 million tonna neft qazib olingan. Bu haqda Davlat statistika qo‘mitasiga tayanib, Spot xabar berdi.
“Energyprom.kz” ma’lumotlariga ko‘ra, mamlakat shu bilan birga, Qozog‘istonda 111,2 million dollarga 397,5 ming tonna neft import qilib, o‘tgan yilgi ko‘rsatkichlarni 309,3 foizga oshirgan. 2019-yilning to‘qqiz oyi davomida O‘zbekiston qo‘shni respublikadan 97,1 ming tonna neftni 42,3 million dollarga sotib olgan.
Neft zaxiralariga boy mamlakatlar reytingining kuchli uchligidan Venesuela (302,8 milliard barrel), Saudiya Arabistoni (267 milliard barrel) va Kanada (167,9 milliard barrel) o‘rin olgan. MDH mamlakatlari orasida Rossiya 8-o‘rinni (80 milliard barrel), Qozog‘iston 11-o‘rinni (30 milliard barrel) egallagan.
Eslatib o‘tamiz, O‘zbekiston 2018-yilda neft qazib olishni 746,4 tonnaga qisqartirgan, shuningdek, 2019-yilda ham benzin ishlab chiqarish, neft va gaz qazib olish kamaygan. 2020-yilning aprelida O‘zbekiston neft va gaz qazib olishni ko‘paytirish uchun 650 million dollar miqdorida qarz olishi ma’lum bo‘lgandi.
Izoh (0)