2020 йилнинг дастлабки 10 ойи давомида Ўзбекистонда 1,7 миллион тонна нефть қазиб олинган. Бу ҳақда Давлат статистика қўмитасига таяниб, Spot хабар берди.
«Energyprom.kz» маълумотларига кўра, мамлакат шу билан бирга, Қозоғистонда 111,2 миллион долларга 397,5 минг тонна нефть импорт қилиб, ўтган йилги кўрсаткичларни 309,3 фоизга оширган. 2019 йилнинг тўққиз ойи давомида Ўзбекистон қўшни республикадан 97,1 минг тонна нефтни 42,3 миллион долларга сотиб олган.
Нефть захираларига бой мамлакатлар рейтингининг кучли учлигидан Венесуэла (302,8 миллиард баррель), Саудия Арабистони (267 миллиард баррель) ва Канада (167,9 миллиард баррель) ўрин олган. МДҲ мамлакатлари орасида Россия 8-ўринни (80 миллиард баррель), Қозоғистон 11-ўринни (30 миллиард баррель) эгаллаган.
Эслатиб ўтамиз, Ўзбекистон 2018 йилда нефть қазиб олишни 746,4 тоннага қисқартирган, шунингдек, 2019 йилда ҳам бензин ишлаб чиқариш, нефть ва газ қазиб олиш камайган. 2020 йилнинг апрелида Ўзбекистон нефть ва газ қазиб олишни кўпайтириш учун 650 миллион доллар миқдорида қарз олиши маълум бўлганди.
Изоҳ (0)