Tushlik uchun makarondan ajoyib ta’mga ega “zapekanka” tayyorlaymiz

Tushlik uchun tezpishar va to‘yimli taom tayyorlash kerakmi? Unday bo‘lsa makarondan “zapekanka” tayyorlab ko‘rishingizni tavsiya qilamiz.

Kerakli mahsulotlar:

• Makaron mahsuloti − 300 gramm;
• Qattiq pishloq − 100 gramm;
• Tuxum − 2 dona;
• Qaymoq − 100 gramm;
• Sariyog‘ − 1 osh qoshiq;
• Tuz.

Makaron mahsuloti qadoqdagi ko‘rsatmaga muvofiq pishirib olinadi.

Alohida idishda tuxum, qaymoq va qirg‘ichdan o‘tkazilgan pishloq solib, aralashtiriladi. Taomni ustiga sepish uchun pishloqdan biroz olib qo‘yish mumkin.

“Zapekanka” tayyorlanadigan idish sariyog‘ bilan yog‘lanadi va makaron mahsuloti solinadi.

Ustidan qaymoqli aralashma quyiladi va ortib qolgan pishloq sepiladi. Pechga 170 daraja haroratga 30-35 daqiqaga qo‘yiladi.

Makarondan “zapekanka” tayyor. Ta’bga ko‘ra bezatib, dasturxonga tortish mumkin.

Yoqimli ishtaha!