“Real Madrid”da harakat qiladigan bir nechta futbolchilarning kelajagi hamon noaniq qolmoqda. Yahoo Sports nashriga ko‘ra, “qirollik klubi” yozgi transfer oynasi vaqti yarim himoyachi xarid qilishni rejalashtirgan. Biroq bu xarid tarkibdan kamida bitta futbolchi sotilgan taqdirdagina amalga oshiriladi.

Manbada aytilishicha, “Real” quyidagi futbolchilar bo‘yicha takliflarni ko‘rib chiqishga tayyor: hujumchi Rodrigo Goes, himoyachilar Ferlan Mendi va David Alaba. Shuningdek, klub rahbariyati yarim himoyachi Dani Sebalyos hamda yosh hujumchi Endrikning kelajagiga ham shubha bilan qaramoqda. Agar bu futbolchilar bo‘yicha jiddiy taklif tushsa, klub muzokaralarga tayyor bo‘ladi.
AS nashri shuni ham qayd etadiki, yangi mavsumda braziliyalik hujumchi Endrikga kamroq o‘yin amaliyoti berilishi mumkin. Bunga sabab — bosh murabbiy Xabi Alonsoning hujum chizig‘ida asosan Kilian Mbappe va yosh iste’dod Gonsalo Garsiyaga tayanishi kutilmoqda. Aynan shu omil Endrikning jamoani tark etish ehtimolini oshirmoqda.
Izoh (0)