AQShning O‘zbekistondagi elchisi Deniyel Rozenblyum Sirdaryo viloyatiga tashrif buyurdi, deb xabar bermoqda viloyat hokimligi matbuot xizmati. Uni Sirdaryo viloyati hokimi G‘ofurjon Mirzayev qabul qilgan.
O‘zaro muloqotda viloyat rahbari Sirdaryo viloyatining iqtisodiy-ijtimoiy rivojlanish jarayonlari hamda “Sardoba” suv omborida yuzaga kelgan favqulodda hodisa oqibatlarini bartaraf etish bo‘yicha ko‘rilgan choralar, qisqa muddatda amalga oshirilgan ishlar haqida to‘xtalgan.
G‘ofurjon Mirzayev AQSh hukumati tomonidan Sardoba suv ombori qisman o‘pirilishi natijasida O‘zbekistonda olib borilayotgan sa’y-harakatlarni qo‘llab-quvvatlab, ko‘mak ko‘rsatgani uchun minnadorilik bildirgan.
O‘z navbatida elchi Deniyel Rozenblyum viloyat rahbariga samimiy qabul uchun minnatdorlik izhor etgan.
“Men O‘zbekistonning turli viloyatlariga tashrif buyurib turaman. Bu gal o‘ziga xos, kundan-kunga yangilanayotgan, me’moriy mohiyatida tarix va bugunni uyg‘unlashtirgan Sirdaryoga tashrifim davomida hududdagi o‘zgarishlarni ko‘rishni maqsad qilgan edim. Siz bilan suhbatlashib, Sirdaryo haqiqatan ham mamlakatning iqtisodiy rivojlanish, ma’naviy yuksalish manzillaridan biri sifatida namuna bo‘layotganligiga amin bo‘ldim”. — degan Deniyel Rozenblyum.
Mavzuga doir:
- Sardoba fojiasidan jabrlangan fuqarolarga yangi xonadonlar qur’a tashlash natijasiga ko‘ra taqsimlanishi ma’lum qilindi
- “Hech birida optik tolali internet yo‘q edi”. Sherzod Shermatov Sardoba fojiasidan so‘ng ta’mirlangan maktablar haqida
- Sardoba fojiasida zarar ko‘rgan tumanlar aholisi kasb-hunarga o‘qitiladi
Izoh (0)