Eng qimmat 100 ta milliy brendning umumiy qiymati 2020-yilda 13,1 trillion dollarga kamaydi, deb xabar bermoqda Forbes, brendlarning qiymatini baholash bilan shug‘ullanadigan Brand Finance konsalting kompaniyasiga tayanib.
Mamlakat qiymatini baholashda Brand Finance tahlilchilari YaIM ko‘rsatkichlari, siyosiy iqlim, investitsion kiritmalar va boshqalarni hisobga olgan.
2020-yilgi reytingda AQSh o‘z yetakchiligini saqlab qoldi, ikkinchi o‘rindan Xitoy, uchinchi o‘rindan esa Yaponiya o‘rin oldi. Shuningdek, Germaniya, Buyuk Britaniya, Fransiya, Hindiston, Kanada, Italiya va Janubiy Koreya kuchli o‘ntalikdan joy olgan.
Spot’ning qayd etishicha, O‘zbekiston 61-o‘rinni egalladi — bu 2019-yilgi natijadan 9 pog‘ona yuqori. Iroq O‘zbekistondan bir pog‘ona yuqori va Keniya bir pog‘ona pastdan o‘rin olgan. Markaziy Osiyo mamlakatlari bo‘yicha eng yaxshi natija Qozog‘istonda (44-o‘rin), MDH davlatlari orasida esa Rossiyada (14-o‘rin).
Top 10 talikdan joy olgan brendlar o‘rta hisobda 14 foizga qisqargan. Irlandiya — brend qiymati 11 foizga o‘sgan top 20 talikdagi yagona davlat. Brand Finance eksport va iste’mol xarajatlari tufayli mamlakat iqtisodiyoti barqaror ekanligini qayd etgan.
Izoh (0)