АҚШнинг Ўзбекистондаги элчиси Дениел Розенблюм Сирдарё вилоятига ташриф буюрди, деб хабар бермоқда вилоят ҳокимлиги матбуот хизмати. Уни Сирдарё вилояти ҳокими Ғофуржон Мирзаев қабул қилган.
Ўзаро мулоқотда вилоят раҳбари Сирдарё вилоятининг иқтисодий-ижтимоий ривожланиш жараёнлари ҳамда «Сардоба» сув омборида юзага келган фавқулодда ҳодиса оқибатларини бартараф этиш бўйича кўрилган чоралар, қисқа муддатда амалга оширилган ишлар ҳақида тўхталган.
Ғофуржон Мирзаев АҚШ ҳукумати томонидан Сардоба сув омбори қисман ўпирилиши натижасида Ўзбекистонда олиб борилаётган саъй-ҳаракатларни қўллаб-қувватлаб, кўмак кўрсатгани учун миннадорилик билдирган.
Ўз навбатида элчи Дениел Розенблюм вилоят раҳбарига самимий қабул учун миннатдорлик изҳор этган.
«Мен Ўзбекистоннинг турли вилоятларига ташриф буюриб тураман. Бу гал ўзига хос, кундан-кунга янгиланаётган, меъморий моҳиятида тарих ва бугунни уйғунлаштирган Сирдарёга ташрифим давомида ҳудуддаги ўзгаришларни кўришни мақсад қилган эдим. Сиз билан суҳбатлашиб, Сирдарё ҳақиқатан ҳам мамлакатнинг иқтисодий ривожланиш, маънавий юксалиш манзилларидан бири сифатида намуна бўлаётганлигига амин бўлдим». — деган Дениел Розенблюм.
Мавзуга доир:
Изоҳ (0)