Shavkat Mirziyoyev 12-noyabr kuni “Afg‘oniston Islom Respublikasi bilan iqtisodiy hamkorlikni yanada kuchaytirish va mustahkamlash chora-tadbirlari to‘g‘risida”gi qarorni imzoladi, deb xabar bermoqda “Gazeta.uz”.
Hujjatga ko‘ra, Uzbekistan Airways va Uzbekistan Airports’ga noyabr oyida Afg‘onistonning KamAir va Ariana Afghan Airlines kompaniyalari bilan muzokaralar o‘tkazish vazifasi topshirilgan. Uning natijasiga ko‘ra, 2021-yil yanvaridan Toshkent, Qobul va Mozori-Sharif shaharlari o‘rtasida doimiy to‘g‘ridan to‘g‘ri parvozlarni tiklash rejalashtirilmoqda.
Hujjat bilan, shuningdek, O‘zbekiston Afg‘oniston bilan yillik savdo hajmini 2023-yilgacha 2 milliard dollarga yetkazish ham maqsad qilgan. 2019-yilda bu miqdor 618 million dollarni tashkil etgan. Shundan 615 million dollar O‘zbekiston eksportiga to‘g‘ri keladi.
Izoh (0)