Portugaliya terma jamoasi bosh murabbiyi Fernandu Santush “Yuventus” hujumchisi Krishtianu Ronalduning holati haqida ma’lumot berdi.
“Ronaldu maydonda mashg‘ulot o‘tkazdi. Yo‘q, u butun mashg‘ulot davomida harakat qilmadi, bu biroz boshqacha bo‘ldi. U shikoyat qilgani yo‘q, yakshanba kunidan beri muammo sezmagan. Shunday ekan unda hech qanday muammo yo‘q.
Ronaldu har uchala o‘yinda ham maydonga tushishga tayyor”, — deydi Santush.
Eslatib o‘tamiz, Ronaldu A Seriya 7-turi doirasida “Latsio”ga qarshi kechgan bahsda (1:1) jarohat olgan va 76-daqiqada zaxiraga olingandi.
Portugaliya Millatlar Ligasi doirasida 14-noyabr kuni o‘z maydonida Fransiya bilan o‘ynaydi, 17-noyabrda esa Xorvatiya maydoniga safar qiladi. Shuningdek, portugallar 11-noyabrda Andorraga qarshi o‘rtoqlik o‘yinida ishtirok etadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)