Xalqaro futbol tadqiqotlari markazi CIES Football Observatory navbatdagi tadqiqot natijalarini e’lon qildi. Unga ko‘ra, Yevropa kuchli beshik ligalariga eng ko‘p futbolchi tarbiyalab bergan klublar reytingi tuzib chiqildi.
Umumiy reytingda Madridning “Real” jamoasi yetakchilik qilmoqda. Ayni damda top-5 ligalarda “Qirollik klubi”ning 43 nafar tarbiyalanuvchisi harakat qilmoqda.
“Barselona” 32 nafar tarbiyalanuvchisi bilan ikkinchi o‘rinda ketayotgan bo‘lsa, “Lion” (31) kuchli uchlikka yakun yasagan.
Bu borada reyting kuchli o‘nligidan beshta ispan klubi, uchta fransuz va ikkita ingliz klubi o‘rin oldi.
Ta’kidlash joiz, ushbu reytingga kiritilgan tarbiyalanuvchi maqomini olish uchun futbolchi 15—21 yosh oralig‘ida kamida uch yil klub tizimida o‘ynashi kerak.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)