“Liverpul” himoyachisi Trent Aleksander-Arnold Premyer Liga 8-turi doirasida “Manchester Siti”ga qarshi kechgan bahsda (1:1) jarohat oldi.
Angliyalik futbolchi uchrashuvning 63-daqiqasida zaxiraga olingandi. Ma’lum bo‘lishicha, Trent boldir mushaklarini shikastlab olgan va uning tiklanishiga to‘rt hafta vaqt ketadi.
Shu tariqa 22 yoshli himoyachi “Lester”, “Atalanta”, “Brayton” va “Ayaks”ga qarshi o‘yinlarni o‘tkazib yuboradi. Shuningdek, “Vulverhempton” va “Midtyulland”ga qarshi bahslardagi ishtiroki ham so‘roq ostida qolmoqda.
Aleksander-Arnold Premyer Ligasi joriy mavsumida 8 o‘yin o‘tkazib, bitta golli uzatmaga mualliflik qilgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)