Futbol bo‘yicha Angliya Premyer Ligasining 8-turida “Manchester Siti” va “Liverpul” jamoalari 8-noyabr, yakshanba kuni o‘zaro bahs yuritdi.
Uchrashuv har ikki tomonning faol hujumlari bilan boshlandi. Birinchi bo‘lim debyutida Kay Uoker o‘z jarima maydoni ichida Sadio Maneni qo‘pollik bilan to‘xtatib qoldi. Buning natijasida belgilangan penaltini Muhammad Saloh aniq ijro etdi.
31-daqiqada Gabriel Jezus maydon egalarining uzoq davom etgan kombinatsiyasini muvaffaqiyatli yakunladi. Bo‘lim so‘ngida “shaharliklar” oldinga o‘tib olishi mumkin edi, biroq Kevin de Bryuyne penaltidan unumli foydalana olmadi.
Ikkinchi bo‘limda har ikki jamoada bir qator qulay imkoniyatlar yuzaga keldi, biroq 1:1 hisobi o‘yin yakuniga qadar o‘zgarmadi.
“Liverpul” 17 ochko bilan 3-o‘ringa joylashdi. “Manchester Siti” (12) 11-pog‘onada bormoqda.
“Lester” o‘z uyida “Vulverhempton”ni qabul qildi va Jeymi Vardining goli evaziga g‘alaba qozondi. Ushbu g‘alaba evaziga ochkolarini 18 taga yetkazib olgan “tulkilar” musobaqa peshqadamligini o‘z qo‘liga oldi.
APL
8-tur bahsi
8-noyabr, yakshanba
“Manchester Siti” — “Liverpul” 1:1
Gollar: 0:1 – 13, penalti Salax, 1:1 – 31 Gabriel Jezus.“Manchester Siti”: Ederson, Joau Kanselu, Lyaport, Ruben Diash, Uoker, Rodri, de Bryuyne, Sterling, Gundo‘g‘an, Ferran Torres (Bernardu Silva, 61), Gabriel Jezus.
“Liverpul”: Alisson, Aleksander-Arnold (Milner, 63), Gomes, Robertson, Matip, Saloh, Veynaldum, Mane, Henderson, Diogu Jota, Firmino (Shakiri, 59).
Ogohlantirishlar: Matip (46), Sterling (61), Lyaport (79), Uoker (90).
“Lester” — “Vulverhempton” 1:0
Gol: 1:0 – 15, penalti Vardi.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)