Футбол бўйича Италия А Сериясининг 7-турида «Милан» 8 ноябрь, якшанба куни «Верона»ни қабул қилди.
Учрашувнинг 6-дақиқасидаёқ Антонин Барак меҳмонларни олдинга олиб чиқди. 19-дақиқага келиб Маттиа Закканйи «Верона»нинг иккинчи голини урди. Миланликлар 27-дақида Жанжакомо Манянининг автоголи эвазига ҳисобни қисқартирди.
Иккинчи бўлим майдон эгаларининг устунлигида ўтди. Тайм ўрталарида ҳисоб тенглашиши мумкин эди, бироқ Златан Ибрагимович пенальтини голга айлантира олмади. Бироқ швециялик футболчи ҳакам томонидан қўшиб берилган вақтда гол урган ҳолда жамоасини мағлубиятдан қутқариб қолди.
«Милан» 17 очко билан пешқадамликни сақлаб турибди. «Верона» (12) 8-поғонада бормоқда.
Яна бир учрашув «Болонья» ва «Наполи» ўртасида кечди. Унда Виктор Осимҳеннинг ягона голи неаполликларга ғалабани тақдим этди. Ушбу ғалабадан кейин Женнаро Гаттузо шогирдлари 15 очко билан 3-ўринга кўтарилди.
А Серия
7-тур баҳслари
8 ноябрь, якшанба
«Милан» — «Верона» 2:2
Голлар: 0:1 – 6 Барак, 0:2 – 19 Закканйи, 1:2 – 27, автогол Маняни, 2:2 – 90+3 Ибрагимович.«Милан»: Доннарумма, Калабрия, Кер, Габбия, Тео, Беннасер, Кессиэ, Салемакерс (Ребич, 46), Чалхонўғлу (Хеуге, 87), Рафаэл Леау (Браҳим Диас, 78), Ибрагимович.
«Верона»: Сильвестри, Ловато, Маняни (Четин, 73), Чеккерини, Лазович, Давидович (Тамез, 63), Илич (Удоги, 69), Димарко, Барак, Закканйи, Калинич (Колли, 64).
Огоҳлантиришлар: Чеккерини (33), Ловато (42), Беннасер (54), Тамез (90).
«Болонья» — «Наполи» 0:1
Гол: 0:1 – 23 Осимҳен.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)