“Yuventus” hujumchisi Krishtianu Ronaldu A Seriya 7-turi doirasida kechgan “Latsio”ga qarshi o‘yinda (1:1) jarohat oldi.
Portugaliyalik futbolchi uchrashuvning 76-daqiqasida zaxiraga olindi. Futbolchi maydondan yengil oqsoqlangan holda chiqib ketdi.
Turinliklar ustozi Andrea Pirlo uning holati haqida so‘radi va Krishtianu quyidagicha javob qaytardi: “To‘qnashuv vaqtida to‘pig‘imni qayirib oldim”.
Hozircha futbolchining jarohati borasida rasmiy xabar berilmadi.
Eslatib o‘tamiz, Ronaldu A Seriyada sentabr oyidan beri ilk bor “Yuventus” asosiy tarkibida maydonga tushgandi. Futbolchi Portugaliya terma jamoasining oktabr oyidagi yig‘inida koronavirus yuqtirib oldi va ma’lum vaqt o‘yinlarda ishtirok eta olmagandi.
Krishtianu Italiya chempionati joriy mavsumida 4 ta o‘yin o‘tkazib, oltita golga mualliflik qildi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)