Qozog‘istonda bir haftada yana 3486 kishida, Qirg‘izistonda esa 3910 kishida koronavirus aniqlandi

Qozog‘istonda o‘tgan bir hafta ichida 3486 kishida koronavirus tasdiqlandi. Bu haqda mamlakat Sog‘liqni saqlash vazirligiga tayanib, Tengrinews xabar berdi.

Ma’lumotlarga ko‘ra, mamlakatda hozirga qadar COVID-19 bilan kasallanganlarning umumiy soni 115 439 nafarga yetgan, ularning 107 530 nafari sog‘aygan, 1879 kishi vafot etgan. Shuningdek, 1-avgustdan buyon Qozog‘istonda 38 721 kishida pnevmoniya aniqlangan bo‘lib, ularning 406 nafari vafot etgan. Mamlakatda o‘tgan bir sutkaning o‘zida yana 161 kishida koronavirus aniqlangan.

Koronavirusga chalinish bo‘yicha holatlar quyidagi hududlarda aniqlangan:

• Olmaota shahri — 14 912;
• Nur-Sulton shahri — 14 789;
• Atirau viloyati — 11 350;
• Qarag‘anda viloyati — 10 678;
• Sharqiy Qozog‘iston viloyati — 11 443;
• G‘arbiy Qozog‘iston viloyati — 7186;
• Chimkent shahri — 5257;
• Olmaota viloyati — 5214;
• Jambil viloyati — 4212;
• Shimoliy Qozog‘iston — 4656;
• Pavlodar viloyati — 4564;
• Kostanay viloyati — 3808;
• Aqmo‘la viloyati — 3930;
• Turkiston viloyati — 3422;
• Mang‘istov viloyati — 3405;
• Qizilo‘rda viloyati — 3262;
• Aqto‘be viloyati — 3351.

Avvalroq Qozog‘istonda koronavirus bilan qayta kasallanish bo‘yicha birinchi holat qayd etilgani to‘g‘risida xabar berilgandi.Qirg‘izistonda 1—7-noyabr kunlari davomida koronavirusga chalinganlar soni 3910 kishiga oshib, mamlakatda COVID-19 bilan kasallarning umumiy soni 62 304 kishiga yetdi. Bu haqda mamlakat Sog‘liqni saqlash vazirligiga tayanib, Kloop xabar berdi. O‘tgan bir sutka ichida yana 551 kishida koronavirus tasdiqlangan.

O‘tgan bir sutka ichida koronavirusga chalinish bo‘yicha holatlar quyidagi hududlarda aniqlangan:

• Bishkek — 160;
• Chuy viloyati — 95;
• O‘sh viloyati — 54;
• Jalolobod viloyati — 91;
• Issiqko‘l viloyati — 40;
• O‘sh shahri — 42;
• Botken viloyati — 50;
• Norin viloyati — 7;
• Talas viloyati — 17.

Qirg‘izistonda hozirga qadar koronavirusga chalingan bemorlarning 53 406 nafari sog‘aygan bo‘lsa, 1172 kishi COVID-19 qurboniga aylangan. Ayni vaqtda 3445 bemor statsionarlarda davolanmoqda.Afg‘oniston Sog‘liqni saqlash vazirligining ma’lumotlariga ko‘ra, o‘tgan bir hafta ichida mamlakatda yana 1646 kishida koronavirus aniqlangan, deb xabar beradi Tolo News.

Butun mamlakatda hozirga qadar koronavirus infeksiyasi bilan kasallanganlar soni 42 033 kishiga yetgan.

Bemorlarning 34 446 nafari sog‘aygan bo‘lsa, 1556 kishi virus asoratlari oqibatida vafot etgan.

Vazirlik ma’lumotlariga ko‘ra, bugungi kunga qadar davlat markazlarida 125 112 marta koronavirusga test olingan.

Tojikistonda o‘tgan bir hafta davomida koronavirus bilan kasallanganlar soni 242 kishiga oshib, mamlakatdagi umumiy kasallar soni 11 219 kishiga yetdi, deb xabar beradi Central Asia.

O‘tgan bir sutka ichida yana 39 kishida COVID-19 aniqlangan.

Mamlakat Sog‘liqni saqlash vazirligining ma’lumotlariga ko‘ra, hozirga qadar Tojikistonda 83 kishi COVID-19 qurboniga aylangan. Hozirga qadar mamlakatda 10 494 kishi sog‘aygan.

O‘zbekistonda 7-noyabr soat 18:00 holatiga ko‘ra, koronavirus infeksiyasi qayd etilganlar soni 68 438 nafarni tashkil etmoqda. Bu haqda SSV matbuot xizmati xabar berdi.

O‘tgan bir hafta ichida 1637 kishida COVID-19 tasdiqlangan. Mamlakatda hozirga qadar 65 686 nafar koronavirus infeksiyasiga chalingan fuqarolar tuzalgan va sog‘ayish ko‘rsatkichi 96 foizni tashkil qilmoqda.

Hozirda O‘zbekistonda 2169 nafar bemorga shifokorlar tomonidan belgilangan standartlar bo‘yicha davo choralari ko‘rilmoqda.