Xitoy Buyuk Britaniya, Belgiya va Filippin davlatlarida epidemiologik vaziyat og‘irlashgani tufayli ushbu mamlakatlarning fuqarolari uchun hududga kirishni taqiqlab qo‘ydi. Bu haqda “Interfaks” xabar bergan.
“Xitoyning ushbu mamlakatlardagi elchixonalar bu haqdagi xabarnomalarni e’lon qilgan va ushbu choraning og‘ir epidemiologik vaziyatdagi vaqtinchalik, majburiy harakat ekanini tushuntirgan”, – degan maxsus brifingda Xitoy Tashqi ishlar vazirligi vakili Van Venbin.
Uning qo‘shimcha qilishicha, bu xalqaro siyosatga to‘liq mos keladigan mantiqiy qaror.
Koronavirus pandemiyasi boshlanganidan buyon butun dunyoda 48 milliondan ziyod kishi COVID-19’ga chalingan, 1,2 million bemor infeksiya asoratlari oqibatida vafot etgan.
Avval Gretsiyada umummilliy karantin tartibi e’lon qilingani, Daniyada koronavirus mutatsiyasining oldini olish uchun barcha qorako‘zanlar yo‘q qilinishi, dunyoda infeksiya asoratlari oqibatida kuzatilgan o‘lim holatlari soni bo‘yicha antirekord qayd etilgani haqida xabarlar berilgan.
Izoh (0)