Bugun,

  • USD 11095.31
  • RUB 173.84
  • EUR 10772.44

Sog‘liqni saqlash vazirligi O‘zbekistonda 7-noyabr kuni soat 10:30 holatiga ko‘ra koronavirus infeksiyasi qayd etilganlar soni 68 367 kishiga yetganini, kasallik oqibatida vafot etganlar soni 1 nafarga oshganini ma’lum qildi. Bu SSV hisobi bo‘yicha 581, “Daryo” hisob-kitobiga ko‘ra koronavirusning O‘zbekistondagi 600-qurbonidir.

22-sentabrga qadar “Daryo” nashri koronavirus bilan bog‘liq kunlik hisobotlarni taqdim etib kelayotgandi. Shu kuni SSV hududlarda qanchadan odam kasallangani, ularning qanchasi davolangani-yu, qanchasi vafot etgani haqidagi raqamlardan iborat jadvalni e’lon qilmadi. 23-sentabrdan vazirlik jadval berishni tikladi, ammo yangi jadvalda o‘lim holatlari ustunini olib tashladi. Shundan so‘ng “Daryo” nashri o‘z tahlillarini ham to‘xtatdi.

“Daryo” tahlillarini to‘xtatgan vaqtda nashr va SSV hisob-kitoblaridagi koronavirus qurbonlari soni 19 nafarga farq qilayotgandi.

SSV tomonidan koronavirus qurboni bo‘lgani “tan olinmaganlar”:

Shuningdek, bosh vazir o‘rinbosari O‘ktam Barnoyev Germaniyada vafot etgan bo‘lsa-da, Sog‘liqni saqlash vazirligi uni Toshkent shahrida vafot etganlar ro‘yxatiga qo‘shdi. O‘ktam Barnoyev O‘zbekistonda vafot etmagani uchun “Daryo” uni koronavirus qurbonlari safiga kiritmaslikka qaror qildi.

28-avgust kuni o‘tkazilgan yig‘ilishda O‘zbekiston Prezidenti Shavkat Mirziyoyev haqiqiy holat bo‘yicha raqamlarni yashirishga mutlaqo yo‘l qo‘ymaslik to‘g‘risida barcha rahbarlarni ogohlantirgandi. Bunga urinish jinoiy javobgarlikkacha bo‘lgan qat’iy choralarga olib kelishi mumkinligi ta’kidlangandi. Ayni vaqtda Sog‘liqni saqlash vazirligi o‘lim holatlari qaysi hududlarda yuz berayotganini yashirayotgani uchun hududlardagi haqiqiy holat haqida aniq tasavvurga ega bo‘lish imkoniyati yo‘q.

Izoh
Asosiy yangiliklar
Dunyo
Tramp AQSH konstitutsiyasini bekor qilishga chaqirdi
Maslahatlar
Saratonga qarshi va immunitet uchun foydali: “Xolodes” tayyorlash uchun 5 ta sabab
Dunyo
Dollarning qadrsizlanishi oqibatida oltin narxi oshib bormoqda