Jahon sog‘liqni saqlash tashkilotining Yevropa bo‘linmasi direktori Xans Klyugening ma’lum qilishicha, hukumatlar koronavirus pandemiyasi sababli maktablarni yopishi kerak emas. Bu haqda “Korrespondent.net” xabar berdi.
“Maktablar koronavirus tarqalishining asosiy yo‘nalishlaridan biri ekanligi haqida gapirishga sabablar yo‘q. Biz doimo maktablarni ochiq holda ushlab turishimiz kerak, chunki biz COVID-19 sababli avlod yo‘qolishiga qo‘yib berishimiz kerak emas”, — deya ma’lum qilgan Klyuge.
Uning so‘zlariga ko‘ra, hukumatlar sinflardagi ta’limni oxirigacha ushlab turishi va maktablarni eng so‘nggi chora sifatida yopishi kerak. Shu bilan birga, JSST vakili Yevropada karantin cheklovlarining kuchaytirilishi tarafdori ekanligini bildirgan.
Klyugening qayd etishicha, niqoblardan keng foydalanish va odamlar yig‘ilishi ustidan qattiq nazorat 2021-yilning fevral oyigacha Yevropada 261 ming kishining umrini saqlab qolishi mumkin.
Izoh (0)