Xiaomi kompaniyasi smartfonlar kamerasi sohasida erishgan yangi yutuqlarini namoyish etish maqsadida ixtirochilar uchun anjuman o‘tkazdi, deb xabar beradi IXBT.
Xitoy texnologik giganti vakillarining tasdiqlashicha, smartfonlar uchun kamera yaratish bilan shug‘ullanadigan jamoa muntazam kattarib bormoqda. 2018-yilda unda 100 ga yaqin odam bo‘lgan bo‘lsa, hozirda 1000 dan ortiq mutaxassis mavjud. Anjuman davomida smartfonlar uchun yangi teleskopik kamera taqdim etilgan.
Xiaomi smartfonlari bo‘limi boshlig‘i Adam Szen Syuchjunning ma’lum qilishicha, kompaniya an’anaviy fotokameralardan ilhomlanib, o‘zining yangi suriladigan obyektivlari texnologiyasini yaratmoqda.
Bu kabi qarorning ikkita afzalligi bor. Birinchisi — obyektiv katta diafragmaga ega, shu sababli o‘tkaziladigan yorug‘lik miqdorini 300 foizgacha oshirish mumkin. Bu esa yetarlicha yoritilmagan sharoitlarda ham suratlar sifatini oshirish imkonini beradi.
Ikkinchidan, “chayaqalishdan” himoyalovchi yangi texnologiyadan foydalanish yakuniy tasvir 20 foizdan ortiqqa aniq va ravshan bo‘lishini ta’minlaydi.
Mazkur kamera dastlab Xiaomi’ning qaysi smartfonlaridan o‘rin olishi hozircha noma’lum.
Avvalroq Xiaomi aylanuvchi kameraga ega smartfon ustida ish boshlagani, ZTE esa ko‘rinmas frontal kameraga ega birinchi smartfonni taqdim etgani to‘g‘risida xabar berilgandi.
Izoh (0)