Xiaomi смартфонлар учун ноёб камерани намойиш этди: 300 фоиз кўпроқ ёруғлик ва суриладиган объектив

Xiaomi компанияси смартфонлар камераси соҳасида эришган янги ютуқларини намойиш этиш мақсадида ихтирочилар учун анжуман ўтказди, деб хабар беради IXBT.

Хитой технологик гиганти вакилларининг тасдиқлашича, смартфонлар учун камера яратиш билан шуғулланадиган жамоа мунтазам каттариб бормоқда. 2018 йилда унда 100 га яқин одам бўлган бўлса, ҳозирда 1000 дан ортиқ мутахассис мавжуд. Анжуман давомида смартфонлар учун янги телескопик камера тақдим этилган.

Xiaomi смартфонлари бўлими бошлиғи Адам Сзен Сючжуннинг маълум қилишича, компания анъанавий фотокамералардан илҳомланиб, ўзининг янги суриладиган объективлари технологиясини яратмоқда.

Бу каби қарорнинг иккита афзаллиги бор. Биринчиси — объектив катта диафрагмага эга, шу сабабли ўтказиладиган ёруғлик миқдорини 300 фоизгача ошириш мумкин. Бу эса етарлича ёритилмаган шароитларда ҳам суратлар сифатини ошириш имконини беради.

Иккинчидан, «чаяқалишдан» ҳимояловчи янги технологиядан фойдаланиш якуний тасвир 20 фоиздан ортиққа аниқ ва равшан бўлишини таъминлайди.

Мазкур камера дастлаб Xiaomi’нинг қайси смартфонларидан ўрин олиши ҳозирча номаълум.

Аввалроқ Xiaomi айланувчи камерага эга смартфон устида иш бошлагани, ZTE эса кўринмас фронтал камерага эга биринчи смартфонни тақдим этгани тўғрисида хабар берилганди.