6-noyabrdan iPhone 12 mini va iPhone 12 Pro Max uchun oldindan buyurtmalarni qabul qilish boshlandi. Ijtimoiy tarmoqlarda esa Apple’ning yangi smartfonlariga oid turli videoroliklar va ma’lumotlar paydo bo‘la boshladi, deb yozadi IXBT.
“To‘g‘risini aytganda, bunga qadar katta telefon ishlatgan bo‘lsangiz, bu kabi smartfonni qo‘lda ushlash biroz g‘alati. Ayrim narsalar ko‘nikishni talab qiladi, masalan, matn yozish, biroq iPhone’dan foydalanishning boshqa jihatlari — xabarlar yoki boshqaruv markazi uchun yuqoridan pastga siljitishlar har doimgidan ham osonlashgan. Apple kompaniyasi, ehtimol, iPhone 8’dan keyin birinchi bor bir qo‘lda foydalanish mumkin bo‘lgan flagman telefonni yaratdi”, — deb yozadi The Verge 5,4 dyuymli iPhone 12 mini haqida.
Shu bilan birga, nashr 6,7 dyuymli iPhone 12 Pro Max haqida ham ma’lumot berib o‘tgan: “Unga qaraganingizda yolg‘on taassurot paydo bo‘ladi, chunki u proportsional jihatdan oddiy o‘lchamli modelga o‘xshaydi. Faqatgina boshqa iPhone bilan yonma-yon qo‘yganingizda o‘lcham haqiqatda hayratga soladi”.
CNET’ning yozishicha, 5,4 dyuymli ekranga ega mini smartfonning funksiyalari oddiy iPhone 12’nikidan farq qilmaydi. Ta’kidlanishicha, ushbu telefon qo‘llari yoki hamyoni kichkina insonlar uchun mos keladi.
TechCrunch’ning qayd etishicha, iPhone 12 Pro Max “ayfon”lar tarixidagi eng katta smartfon bo‘lsada, ko‘rinishidan u qadar yirik emas.
Mavzuga doir:
Izoh (0)