Dunyoda koronavirus oqibatida yuz bergan o‘limlar soni bir kecha-kunduzda 9763 tani tashkil etdi, deb yozadi “Kommersant” Jons Hopkins universiteti ma’lumotlariga tayanib. Bu COVID-19 pandemiyasi boshidan buyon kuzatilgan rekord ko‘rsatkichdir.
Ayni vaqtda AQShda bir kunda koronavirusga chalinish holatlari bo‘yicha rekord o‘rnatildi. Reuters hisob-kitoblariga ko‘ra, 5-noyabrga kelib, bir kecha-kunduzda 102,5 ming nafar AQSh fuqarosida koronavirus aniqlangan.
COVID-19 butun dunyo bo‘ylab 48 million kishida aniqlandi, bemorlarning 1,2 millioni vafot etdi.
Avvalroq JSSTning Rossiyadagi vakili Melita Vuynovich yaqin bir necha oyda dunyoda COVID-19 koronavirus tarqalishi bilan bog‘liq vaziyat juda og‘irlashishi haqida ogohlantirgandi.
Izoh (0)