Дунёда коронавирус оқибатида юз берган ўлимлар сони бир кеча-кундузда 9763 тани ташкил этди, деб ёзади «Коммерсантъ» Жонс Ҳопкинс университети маълумотларига таяниб. Бу COVID-19 пандемияси бошидан буён кузатилган рекорд кўрсаткичдир.
Айни вақтда АҚШда бир кунда коронавирусга чалиниш ҳолатлари бўйича рекорд ўрнатилди. Reuters ҳисоб-китобларига кўра, 5 ноябрга келиб, бир кеча-кундузда 102,5 минг нафар АҚШ фуқаросида коронавирус аниқланган.
COVID-19 бутун дунё бўйлаб 48 миллион кишида аниқланди, беморларнинг 1,2 миллиони вафот этди.
Аввалроқ ЖССТнинг Россиядаги вакили Мелита Вуйнович яқин бир неча ойда дунёда COVID-19 коронавирус тарқалиши билан боғлиқ вазият жуда оғирлашиши ҳақида огоҳлантирганди.
Изоҳ (0)