Fransiya politsiyasi Parijning markaziy qismidagi Per-Lashez tumanida machete ko‘tarib yurgan erkakni hibsga oldi, deb xabar bermoqda Reuters’ga tayanib Meduza.
Shaxsi aniqlanmagan erkak mehmonxonadagi xonasida hibsga olingan. Politsiya vakili hibsga olingan kishining xatti-harakatlaridan kimdir zarar ko‘rganligi yoki yo‘qligi hali ma’lum emasligini ta’kidladi.
Parijdagi Actu Paris nashri o‘z manbasiga iqtibos keltirgan holda xabar berishicha, soat 11:30 atrofida (Toshkent vaqti bilan 15:30) bir necha kishi Per-Lashez metro stansiyasida machete ko‘targan odamni ko‘rgan.
Politsiya qo‘lga olish ishlarini metro bekatidan bir necha o‘n metr narida joylashgan Shyomen Ver ko‘chasida amalga oshirdi. Hibsga olish vaqtida ko‘cha yopilgan, do‘konlar to‘xtatilgan. Soat 12:30 da (Toshkent vaqti bilan 16:30 da) ko‘chada transport harakati tiklangan.
Qayd etilishicha, oktabr oyida Fransiyaning turli shaharlarida sodir bo‘lgan qator hujumlardan so‘ng mahalliy hokimiyat xavfsizlik choralarini kuchaytirgan.
https://twitter.com/loran076/status/1323588751898062848
Eslatib o‘tamiz, 29-oktabr kuni Fransiyaning Nitssa shahridagi Notr-Dam ibodatxonasida qurollangan erkak odamlarga hujum qilib, uch kishini o‘ldirdi. Jinoyatchi 21 yoshli tunislik bo‘lib chiqdi. Keyinchalik ushbu teraktni o‘z zimmasiga olgan tunislik erkak ham hibsga olindi. Fransiya hukumati Nitssadagi hujumni terakt deb baholadi. mamlakatda terroristik xavfning eng yuqori darajasi e’lon qilindi.
29-oktabrning o‘zida Fransiyaning Avinyon shahrida pichoq bilan qurollangan erkak “Allohu akbar” deb qichqirib, politsiyachilarga hujum qilishga uringan. Politsiyachilar o‘t ochgan va hujum qilgan erkakni o‘ldirgan. Deyarli bir vaqtda Saudiya Arabistonining Jidda shahrida Fransiya konsulligiga hujum uyushtirilgan, konsullik qo‘riqchisi jarohat olgan. Hujum qilgan erkak qo‘lga olingan. Bundan tashqari, Fransiyada Lion shahrida ham sodir bo‘lishi mumkin bo‘lgan yana bir tajovuzkor harakatning oldi olingan.
Shuningdek, 30-oktabrda Parij shahrida qurollangan erkak politsiyachilarga hujum qilishga uringani xabar qilindi.
Shu bilan birga, 2-noyabr kuni Avstriyaning poytaxti Vena shahri markazida bir guruh terrorchi hujum uyushtirdi. Natijada to‘rt kishini o‘ldirdi va 17 kishi yaralandi. Keyinchalik Venadagi hujumni IShID terrorchilik guruhi tarafdori sodir etgani ma’lum qilindi.
Izoh (0)