Avstriya poytaxti Vena shahrida yuz bergan teraktda gumonlanayotgan shaxs mamlakat shimolidagi Lints shahrida qo‘lga olindi. Bu haqda Kronen Zeitung xabar berdi, deb yozmoqda Meduza.
ORF telekanalining yozishicha, Lintsda 3-noyabr kuni terakt yuzasidan mashhur terrorchi qo‘lga olingan. Avstriya politsiyasi esa hozircha bu ma’lumotni tasdiqlamagan.
Ma’lum qilinishicha, Cobra maxsus bo‘linmasi bir erkakni qo‘lga olgan, biroq uning shaxsi oshkor qilinmagan. Politsiya gumonlanuvchining ustiga qo‘qqisdan bostirib borgan, u qarshilik ko‘rsatmagan. Shuningdek, politsiya ish bo‘yicha guvoh hisoblanayotgan bir yoki ikki nafar ayolni ham qo‘lga olgan.
Shuningdek, Quyi Avstraliya federal yerining Sankt-Pyolten shahrida ham 3-noyabr kuni tergov bo‘yicha olib borilayotgan tergov doirasida ikki nafar erkak qo‘lga olingan.
Venada 2-noyabr kuni kechasi yuz bergan terakt paytida politsiyachilar bir nafar terrorchini yo‘q qilgan. Avstriya Ichki ishlar vazirligi ma’lumotlariga ko‘ra, bu odam 20 yoshli Feyzulay Kuytim bo‘lgan. U avvalroq IShID safiga qo‘shilish maqsadida Suriyaga ketishga uringani uchun sudlangan. Terakt oqibatida to‘rt kishi halok bo‘lgan.
Politsiya ma’lumotlariga ko‘ra, Venadagi hujumda to‘rt kishi ishtirok etgan bo‘lishi mumkin. Avvalroq Venada terakt sodir etgan shaxs IShID tarafdori bo‘lib chiqqani haqida xabar berilgandi.
Izoh (0)