Rossiyada 3-noyabr tonggi holatiga ko‘ra, koronavirusga chalinish bo‘yicha 18 648 ta yangi holat qayd etildi, deb xabar bermoqda Meduza. Bir kun avval 18 257 kishida COVID-19 aniqlangandi.
Eng ko‘p kasallanganlar Moskva (+5150) va Sankt-Peterburg (+944) va Moskva viloyatida (+567) aniqlangan.
Kunlik kasallanish bo‘yicha eng yuqori ko‘rsatkich — 18 665 ta holat 1-noyabr kuni qayd etilgandi. Mamlakatda kasallanganlarning umumiy soni 1 673 686 kishiga yetdi.
Sutka davomida infeksiyadan 355 kishi, epidemiya boshlanganidan buyon esa 28 828 kishi vafot etgan. Sog‘ayganlar soni 1 251 364 nafarni tashkil etmoqda, shulardan 15 331 nafari so‘nggi bir kecha-kunduzda tuzalib chiqqan.
Mamlakatda koronavirusni aniqlash bo‘yicha so‘nggi 24 soat davomida 412 mingta, umumiy hisobda esa 61,9 milliondan ortiq test o‘tkazilgan.
Rossiyada kasallanganlar soni oshayotganiga qaramay, hukumat mamlakatda koronavirus tarqalishi tufayli qat’iy cheklovlarni joriy qilishni rejalashtirmayapti. Shunga qaramay, mamlakat aholisi yangi karantindan qo‘rqib, mahsulotlarni g‘amlab qo‘ya boshladi.
Izoh (0)