Yengil vazn toifasida UFC chempioni Habib Nurmagomedov Islom Maxachevni tez orada yengil vazn toifasining yangi chempioni bo‘lishini aytdi.
Nurmagomedov UFC’ning Instagram’dagi rasmiy sahifasida Islom haqida e’lon qilingan postga izoh tariqasida quyidagicha yozdi: “Yengil vaznning navbatdagi qiroli”.
Eslatib o‘tamiz, 14-noyabr kuni Islom Maxachev braziliyalik Rafael dos Anyos bilan jang qiladi.
Maxachev yakkakurashlarda 18-marta g‘alaba qozongan, yana bir jangda esa u imkoniyatni boy berib qo‘ygan.
Eslatib o‘tamiz, 24-oktabr kuni Abu-Dabidagi (BAA) “Jangchilar oroli”da bo‘lib o‘tgan UFC 254 asosiy jangida Habib Nurmagomedov va Jastin Getji o‘zaro to‘qnash keldi. Unda rossiyalik sportchi ikkinchi raundda raqibiga bo‘g‘ish usulini qo‘llab g‘alaba qozondi. Jangdan keyin Habib faoliyatini yakunlashini ma’lum qildi.
Mavzuga doir:
- Habib Nurmagomedov: “Hech kimning Islom Maxachev bilan jang qilgisi kelmayapti”
- Islom Maxachev: “Hozir hamma Habib bo‘lishni xohlaydi. Bu esa muammo”
- UFC prezidenti promoushen tarixidagi eng kuchli jangchi kim ekanini aytdi. U Habib emas
- UFC prezidenti: Ishoning, Habib qaytadi. Uning kamari hech kimga berilmaydi
Izoh (0)