Rossiyalik yakkakurashchi Islom Maxachev yengil vazn toifasida UFC chempioni Habib Nurmagomedovning mashhurligi haqidagi savolga javob berdi.

Foto: Fightnews

Habib bilan doimiy taqqoslashlari? Bundan jahlim chiqmaydi, mayli chempion bilan solishtirishsin. Habibda mendan ustun bo‘lgan jihatlar bor. Bosim nuqtayi nazaridan, masalan, u jangning boshidan oxirigacha shunday qiladi. O‘zimni maqtamayman, lekin ehtimol men ham bunga qodirman.

Habibning mashhurligi hozirgi kunda barcha sportchilarning jangchi bo‘lishni xohlashiga ta’sir ko‘rsatmoqda. Ilgari barchamiz kurashga borardik, chunki bizda Olimpiada chempionlari juda ko‘p edi. Ammo hozir hamma Habib bo‘lishni istaydi. Va bu muammo.

Bizning davrimizda jangchi bo‘lish juda qiyin: tashkilotlar kam, hamma jang qilishni, pul ishlashni xohlaydi. Ammo havaskorlik karyerasida siz ko‘p pul ishlay olmaysiz. Bizda, Dog‘istonda men tanimaydigan juda ko‘p kuchli jangchilar bor Ular jangsiz yuribdi.

Islom Maxachev, UFC jangchisi

Ma’lumot uchun, 28 yoshli Maxachev ketma-ket olti jangdan buyon mag‘lub bo‘lmay kelmoqda va UFC yengil vazn divizionida 11-o‘rinda bormoqda.

Islom MMA’da 19 jang o‘tkazib, ularning 18 tasida g‘alaba qozongan (10 ta muddatidan avval) va bir bor mag‘lub bo‘lgan. U So‘nggi bor 2019-yilning sentabr oyida Davi Ramos ustidan g‘alabaga erishgandi.

Islom Maxachevning janglarini bu yerda tomosha qilish mumkin → havola.