Kiyevning “Dinamo” klubi Chempionlar Ligasi doirasida “Barselona”ga qarshi kechadigan uchrashuv uchun kengaytirilgan tarkibni ma’lum qildi.
Qaydnomadan asosiy tarkibning 13 nafar futbolchisi o‘rin olmadi. Koronavirus sabab to‘qqiz futbolchi kiyevliklarga yordam bera olmaydi: Bushan, Boyko, Mikolenko, Karavayev, Garmash, Shaparenko, Belutse, Sitaishvili va Duyelund.
O‘tgan o‘yinda qizil kartochka olgan Sergey Sidorchuk diskvalifikatsiya tufayli o‘yinni o‘tkazib yuborsa, Nikita Burda, Aleksandr Timchik va Vladimir Kostevich jarohat sabab Barselonaga yo‘l olmagan.
“Barselona” va “Dinamo K” o‘rtasidagi o‘yin 4-noyabrdan 5-noyabrga o‘tar kechasi 01:00 da boshlanadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)