“Biror nima yoqmayotgan bo‘lsa, eshik anavi tomonda”. Messi va Kike Setyen o‘rtasida janjal yuzaga kelgani ma’lum bo‘ldi

“Barselona” sobiq bosh murabbiyi Kike Setyen va jamoa sardori Lionel Messi o‘rtasida La Liga doirasida iyun oyidagi “Selta”ga qarshi (2:2) kechgan uchrashuvdan so‘ng kelishmovchilik yuzaga kelgani ma’lum bo‘ldi.

Mundo Deportivo’ning xabar qilishicha, o‘yindan keyin bir qator futbolchilar mutaxassisning o‘yin davomida amalga oshirgan taktik o‘zgarishlaridan norozi bo‘lgan. Setyen Messining e’tiroziga quyidagicha javob qaytargan: “Senga biror nima yoqmayotgan bo‘lsa, eshik anavi tomonda”.

Yanvar oyida “Barselona” bosh murabbiyligiga tayinlangan Setyen avgust oyida Chempionlar Ligasi doirasidagi bahsda “Bavariya”dan uchralgan 2:8 hisobidagi mag‘lubiyatdan keyin iste’foga chiqarilgandi.

Mavzuga doir: Kike Setyen: “Messini boshqarish juda qiyin”