“Manchester Yunayted” sobiq yarim himoyachisi, hozirda Uels terma jamoasi bosh murabbiyi Rayan Giggz qaylig‘iga hujum qilganlikda gumonlanib, hibsga olingan. Bu haqda The Sun xabar tarqatdi.
Manbaga ko‘ra, Giggzning sevgilisi Keyt Grevilning o‘zi politsiyaga qo‘ng‘iroq qilib, Uels terma jamoasi bosh murabbiyini hibsga olishni so‘ragan.
Qayd etish joiz, bu Rayan Giggz boshidan kechirayotgan birinchi shaxsiy hayotiga bog‘liq mojaro emas. 2018-yilda Giggz qaylig‘idan yashirincha o‘z akasining rafiqasi va boshqa ayollar bilan ishqiy munosabatda bo‘lgani ma’lum bo‘lgandi.
Ma’lumot uchun, Giggz butun faoliyati davomida “Manchester Yunayted” sharafini himoya qilgan (1990—2014-yillarda). Manchesterliklar safida 672 ta o‘yinda qatnashib, 114 ta gol urgan.
“Qizil iblislar” tarkibida u 13-marta Angliya chempionati, 4-marta mamlakat Kubogi, shuningdek, ikki bor Chempionlar Ligasida g‘olib bo‘lgan. 2014—2016-yillarda “Yunayted”ning murabbiylar shtabiga ishlagan, 2018-yilda esa Uels terma jamoasi bosh murabbiyiga aylangan.
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)