Professional boksning super o‘rta vazn (-76,2 kg) toifasida ringga chiqayotgan Bektemir Meliqo‘ziyev (6-0, 5 KO) 31-oktabr, shanba kuni o‘zining navbatdagi jangini meksikalik Alan Kampaga (17-6, 11 KO) qarshi o‘tkazgani haqida xabar berilgandi.
Jang Bektemirning katta ustunligi bilan boshlanib, 2-raundda o‘zbekistonlik bokschi raqibini 2 marta nokdaun holatiga ham tushirib qo‘ygandi. 3-raundda esa Bektemirning kuchli zarbalaridan so‘ng meksikalik bokschi nokaut holatiga tushib qolgandi. Shu tariqa Meliqo‘ziyev professional boksdagi 6-g‘alabasini nishonlab, WBO Intercontinental kamariga ega chiqqan.
Jang translyatsiyasi huquqi egasi DAZN servisi Bektemir va Kampa o‘rtasidagi jangni jonli efirda namoyish etishi kutilgan, biroq yakunda bunday bo‘lib chiqmagandi. Nihoyat Meliqo‘ziyev ishtirokdagi jangning to‘liq videosi taqdim etildi. Videoni quyida tomosha qilish mumkin.
Izoh (0)