Taniqli turk aktyori ilk marta ota bo‘ldi, Shevval Sam “Qora niyat”dan ketayotgan aktyorlar haqida gapirdi. Turk kinosi yangiliklari

Turk kinosanoati vakillari va seriallar bilan bog‘liq eng so‘nggi xabarlarni e’tiboringizga havola etamiz.

21-oktabr kuni Sinem Kobal va Kenan Imirzalio‘g‘lu farzandli bo‘ldi va qiziga Lalin deb ism qo‘ydi. Shifoxonadan chiqaverishda aktyor va uning rafiqasi kutib turgan muxbirlarga juda ham baxtli ekanini aytib, hammaga ushbu baxt nasib qilsin, deb tilak bildirgan. Sinem esa ular yangi hayot boshlayotganini ma’lum qilgan.

Avvaliga shifoxonaning aktyorning qizi dunyoga kelgan qavati yopilgani haqida xabar berilgandi, lekin Kenanning o‘zi ushbu ma’lumot noto‘g‘riligi, ular mavjud qoidalarga amal qilganliklarini aytgan. Shuningdek muxbirlarning Fahriye va Burak O‘zchivit singari farzandiga Instagram sahifasi ochib berish haqidagi savolga aktyor buni unchalik muhim deb bilmasa-da, muxlislarini xafa qilmaslik uchun bu haqida o‘ylab ko‘rishini ma’lum qilgan.

Shevval Sam onasi Leman Sam bilan birga Jihangir tumanida e’tibordan chetda qolmagan. Undan “Qora niyat” serialini nima uchun aktyorlar birin-ketin tark etayotgani haqidagi savolga Shevval ssnesenariy mualliflari va prodyuserlar shunday qarorga kelgani va bu haqida u ham so‘nggi daqiqalarda xabar topganini bildirgan.

Ma’lumot uchun, Shevvalning o‘g‘li Tarik Tekin ayni vaqtda ”Sadoqatsiz” serialida suratga tushmoqda. Avvalroq u onasi bilan birgalikda qisqa metrajli filmda ham rol o‘ynagan.

Nejip Memili qizi Asya bilan birga tushgan surati bilan bo‘lishgan. Unga ota bo‘lish mehnat, sevgi talab qilishini yozib, lekin orqasidagi it nega bunday yotganidan hayratda ekanini yashirmagan.

Kivanch Tatlitug‘ Netflix tomonidan suratga olinayotgan yangi “Bir suvosti qayig‘i hikoyasi” serialida bosh qahramon rolini o‘ynaydi.

Neslihan Atagul turmush o‘rtog‘i Kadir Do‘g‘ulu yuziga aylangan Hatemog‘lu kiyim brendining taqdimotida ishtirok etdi. Taqdimotdan chiqaverishda muxbirlarning taklif bo‘lsa Burak O‘zchivit bilan birga suratga tushish mazmunidagi savoliga Neslihan bu savol noo‘rin ekanligini aytib, bu kabi savollar odamni g‘azablantirishini bildirgan. Muxbirlarning farzandli bo‘lish haqida o‘ylayapsizmi, degan savoliga aktrisa tabassum bilan: “Men o‘ylayapman, siz-chi?”, — deb javob bergan.

“9 karra Leyla” filmining taqdimoti pandemiya sabab qoldirilgandi. Agar o‘zgarishlar bo‘lib qolmasa, ushbu film premyerasi 4-dekabrda Netflix’ning internet platformasida bo‘lib o‘tishi rejalashtirilgan.

“Chuqur” serialini tark etgan Barish Arduch, Solih Bademji va Go‘kche Bahodir bilan birgalikda “Klub” serialida bosh qahramon rolini o‘ynaydi.

Efirga uzatilish imkoniyati berilganiga qaramay, “Yangi hayot” seriali 9-qismda yakuniga yetishiga to‘g‘ri keladi.

Shuningdek, yana ikki serial yakuniga yetadi. “O‘qituvchi” seriali past reytingni qayd qilgani uchun 9-qismda tugatiladi. “Tomdagi sevgi” seriali ham bosh qahramonni o‘zgartirganiga qaramay, reytinglarda yuqori natija qayd qila olmadi va 16-qismda serial yakuniga yetadi.

Bundan uch yil avval, 2017-yil 23-oktabrda “Chuqur” serialining birinchi qismi efirga uzatilgan. Suratga olish jamoasi ushbu kunni shirinlik bilan nishonladi.