Avstriya pochta xizmati Covid-19 va uning oldini olish choralariga bag‘ishlangan marka ishlab chiqardi. Bu haqda Esquire xabar berdi.
Ma’lum qilinishicha, orqa tomonini yopishtirish mumkin bo‘lgan marka uch qavatli hojatxona qog‘ozidan tayyorlangan. Unga ijtimoiy masofa saqlashning norasmiy ramzi bo‘lgan fil bolasi surati tushirilgan — mamlakatda bir fil uzunligidek, ya’ni 1 metr masofa saqlash ta’kidlab kelinmoqda.
Pochta xizmati markalarda filning uzunligi haqida misol orqali tasavvur uyg‘otishga uringan. Unda qo‘ng‘izning 1 millimetr, pashsha 1 santimetr, sichqon esa 10 santimetr ekanligi haqida ma’lumot berilgan. Pochta xizmatining press-relizida 1 metrlik masofa virus tarqalishining oldini olishi, fil bolasi masofani to‘g‘ri baholash va unga amal qilishga yordam berishi sabab ham markada ushbu ramzdan foydalanilgani aytiladi.
Narxi 2,75 yevroga baholangan marka 5 yevroga sotiladi va undan tushgan mablag‘lar xayriya tashkilotlariga yuboriladi.
Mavzuga doir:
- Braziliyadagi McDonald’s masofalanish muhimligini eslatib, logosidagi “M” harfini ikkiga ajratib qo‘ydi
- Hindistonda pandemiya davrida tug‘ilgan chaqaloqqa Sanitayzer deb ism qo‘yildi
- Hindistonda tug‘ilgan egizaklarga koronavirusga atab ism qo‘yildi
- Hindistonlik politsiyachi koronavirus shaklidagi shlemda xizmat vazifasini o‘tamoqda (foto)
Izoh (0)