Saudiya Arabistoni shahzodasi Al-Valid ibn Holid al-Saud 15 yillik komadan so‘ng qo‘lini qimirlatib qo‘ydi va internetda katta shov-shuvlarga sabab bo‘ldi. Tibbiyot xodimi tomonidan tasvirga olingan video Twitter’da 200 ming martaga yaqin tomosha qilingan, deb yozadi Daily Mail.
Videoda shifokor shahzodaga murojaat qilib, qo‘lini qimirlatib qo‘yishni so‘ragan. Uning ovozini eshitgan Al-Valid barmoqlarini qimirlata boshlagan. Ayol to‘xtamaslikni va qo‘lini yuqoriga ko‘tarishni so‘ragan. Shahzoda uning gaplariga kirib, kaftini karavotdan yuqoriga ko‘targan. “Juda yaxshi!”, — deya maqtab qo‘yadi shifokor.
https://twitter.com/Nora_bnt_Talal/status/1318073685291503616
Shahzoda Al-Valid 2005-yili harbiy kollejda o‘qiyotganida avariyaga uchragan. Miyasiga qon quyilishi oqibatida u komaga tushib qolgan. O‘shandan buyon u o‘pkani sun’iy nafas oldirish apparatiga ulangan. YTHdan so‘ng shifokorlar Al-Validga miya o‘limi tashxisini qo‘ygan. Biroq uning otasi Jaled ibn Talol o‘g‘lining sog‘ayishiga bo‘lgan umidini yo‘qotmagan va davolanishni to‘xtatishdan bosh tortgan.
Taxminan, besh yillar oldin shahzoda kasalxonadan uyiga olib kelingan bo‘lib, bu yerda ham u shifokorlar nazorati ostida. Bir yil oldin oila rasman Al-Valid ovozlarni eshitib, qimirlay boshlaganini ma’lum qilgandi. “Jonini o‘n yildan ortiq saqlangan Alloh uni yana hayotga qaytarishi mumkin”, — degan edi shahzodaning otasi.
42 yoshli shahzoda Al-Valid Saudiya Arabistoni podshohlik oilasining a’zosi bo‘lib, tadbirkor va investor sifatida tanilgan.
Izoh (0)