Австрия почта хизмати Cовид-19 ва унинг олдини олиш чораларига бағишланган марка ишлаб чиқарди. Бу ҳақда Esquire хабар берди.
Маълум қилинишича, орқа томонини ёпиштириш мумкин бўлган марка уч қаватли ҳожатхона қоғозидан тайёрланган. Унга ижтимоий масофа сақлашнинг норасмий рамзи бўлган фил боласи сурати туширилган — мамлакатда бир фил узунлигидек, яъни 1 метр масофа сақлаш таъкидлаб келинмоқда.
Почта хизмати маркаларда филнинг узунлиги ҳақида мисол орқали тасаввур уйғотишга уринган. Унда қўнғизнинг 1 миллиметр, пашша 1 сантиметр, сичқон эса 10 сантиметр эканлиги ҳақида маълумот берилган. Почта хизматининг пресс-релизида 1 метрлик масофа вирус тарқалишининг олдини олиши, фил боласи масофани тўғри баҳолаш ва унга амал қилишга ёрдам бериши сабаб ҳам маркада ушбу рамздан фойдаланилгани айтилади.
Нархи 2,75 еврога баҳоланган марка 5 еврога сотилади ва ундан тушган маблағлар хайрия ташкилотларига юборилади.
Мавзуга доир:
- Бразилиядаги McDonald’s масофаланиш муҳимлигини эслатиб, логосидаги «М» ҳарфини иккига ажратиб қўйди
- Ҳиндистонда пандемия даврида туғилган чақалоққа Санитайзер деб исм қўйилди
- Ҳиндистонда туғилган эгизакларга коронавирусга атаб исм қўйилди
- Ҳиндистонлик полициячи коронавирус шаклидаги шлемда хизмат вазифасини ўтамоқда (фото)
Изоҳ (0)