Braziliyadagi McDonald’s masofalanish muhimligini eslatib, logosidagi “M” harfini ikkiga ajratib qo‘ydi

Braziliyada McDonald’s brendi logotipidagi “M” harfi ikkiga bo‘lindi. Bu haqda TJournal nashri xabar berdi.

Ta’kidlanishicha, Covid-19 pandemiyasi vaqtida o‘z-o‘zini izolyatsiya qilish qanchalik muhim ekanini ta’kidlash maqsadida logoga vaqtinchalik o‘zgartirish kiritilgan. AdAge’ning yozishiga qaraganda, brend logosi faqatgina kompaniyaning ijtimoiy tarmoqlardagi sahifalaridagina o‘zgargan, restoranlardagi logotiplarda o‘zgarish bo‘lmagan.

Hamisha birga bo‘lish uchun vaqtinchalik ajratildi.

Braziliyadagi McDonald’s shiori

Nashrning ma’lum qilishicha, McDonald’s Braziliya, AQSh, Irlandiya va Buyuk Britaniyadagi restoranlarini yopgan..

So‘nggi ma’lumotlariga ko‘ra, Braziliyada COVID-19 bilan kasalllanganlar soni 2 mingga yaqinlashib qolgan, vafot etganlar soni esa 34 nafarni tashkil qilmoqda.