Rossiyadan O‘zbekistonga qaytish istagida bo‘lgan fuqarolarni olib kelish maqsadida Transport vazirligi huzuridagi Uzautotrans service korxonasi tomonidan 2020-yilning 22-oktabr kuni 3 ta avtobus Yekaterinburg shahriga jo‘nab ketdi. Bu haqda vazirlik xabar qilmoqda.
Qayd etilishicha, rejaga muvofiq avtobuslar 23-oktabr kuni kechga belgilangan manzilga yetib boradi. Tashkil etilgan maxsus avtobus qatnovi orqali Yekaterinburg, Chelyabinsk, Tyumen shaharlaridan jami 150 nafar fuqaro O‘zbekistonga olib kelinadi.
Ma’lum qilinishicha, ushbu maxsus avtobus qatnovlari barcha sanitariya qoidalari va Qozog‘iston hamda Rossiya tomonidan qo‘yilgan talablarga qat’iy amal qilgan holda bajarilmoqda.
Avvalroq Rossiyadan yana 10 mingga yaqin o‘zbekistonlik maxsus poyezdlarda vatanga qaytarilishi xabar berilgandi.
Izoh (0)