Bulg‘or qalampirini xush ko‘ruvchilar diqqatiga, qiyma va guruchdan tashkil topgan odatiy “nachinka”dan charchadingizmi? Quyidagi variantlar yordamida mahsulotning yangi ta’mini his etib ko‘ring, bu bekalar uchun, albatta, foydali bo‘lishi tabiiy.
Tovuqli faxitas
Meksika uslubidagi kechki ovqat dasturxoni uchun bulg‘orini makkajo‘xori, piyoz, jigarrang guruch, loviya va tovuq go‘shti bilan boyitish mumkin. Ta’bga ko‘ra pomidor sousi, tuz va ziravorlar, ko‘katlar qo‘shiladi. Ikkiga bo‘lingan “nachinka”li bulg‘orilarga qirg‘ichdan o‘tkazilgan pishloq sepilib, pechda pishirib olinadi.
Viva, Italiya!
Ushbu taomni ko‘proq pishirish tavsiya etiladi, sababi bir zumda idishlar bo‘shab qolishi shubhasiz. Buning uchun avval bulg‘ori qalampiri ikkiga bo‘linib, ichi urug‘lardan tozalanadi. Qaynatilgan guruch, go‘sht yoki kolbasa, sarimsoq piyoz va ziravorlar bilan to‘ldiriladi. Chuqur idishda pomidorli sous ichida pishirib olinadi.
Bulg‘or-pitssa
Bulg‘or qalampiridan xamir o‘rnida foydalanish — ajoyib fikr. Bu aynan ortiqcha vazndagilar uchun qo‘l keladi. Ikkiga bo‘lingan bulg‘orilarning yuzasiga qiyma yoki kolbasa, qo‘ziqorin, zaytun, motsarella pishlog‘i va pomidor sousi surilib, pechda pishiriladi.
Izoh (0)