Булғор қалампирини хуш кўрувчилар диққатига, қийма ва гуручдан ташкил топган одатий «начинка»дан чарчадингизми? Қуйидаги вариантлар ёрдамида маҳсулотнинг янги таъмини ҳис этиб кўринг, бу бекалар учун, албатта, фойдали бўлиши табиий.
Товуқли фахитас
Мексика услубидаги кечки овқат дастурхони учун булғорини маккажўхори, пиёз, жигарранг гуруч, ловия ва товуқ гўшти билан бойитиш мумкин. Таъбга кўра помидор соуси, туз ва зираворлар, кўкатлар қўшилади. Иккига бўлинган «начинка»ли булғориларга қирғичдан ўтказилган пишлоқ сепилиб, печда пишириб олинади.
Вива, Италия!
Ушбу таомни кўпроқ пишириш тавсия этилади, сабаби бир зумда идишлар бўшаб қолиши шубҳасиз. Бунинг учун аввал булғори қалампири иккига бўлиниб, ичи уруғлардан тозаланади. Қайнатилган гуруч, гўшт ёки колбаса, саримсоқ пиёз ва зираворлар билан тўлдирилади. Чуқур идишда помидорли соус ичида пишириб олинади.
Булғор-пицца
Булғор қалампиридан хамир ўрнида фойдаланиш — ажойиб фикр. Бу айнан ортиқча вазндагилар учун қўл келади. Иккига бўлинган булғориларнинг юзасига қийма ёки колбаса, қўзиқорин, зайтун, моцарелла пишлоғи ва помидор соуси сурилиб, печда пиширилади.
Изоҳ (0)