Floridada Billi Key ismli stomatolog koronavirus pandemiyasi davrida virus va boshqa mikroblarning tortga tushish xavfisiz uning ustidagi shamlarni puflab o‘chirish usulini o‘ylab topdi. U tug‘ilgan kun egasining mehmonlari o‘z sog‘lig‘idan xavotirlanmasliklari uchun desertlar uchun maxsus g‘ilofni o‘ylab topdi, deb xabar beradi Today.
Billining so‘zlariga ko‘ra, u 30 yilga yaqin shamlarni puflashda tushadigan so‘lak zarralaridan tortlarni himoya qilishning turli usullari haqida o‘ylab kelgan. Pandemiya boshlangach mikroblardan qo‘rqib qolgan odamlar soni ko‘paygan, shu sababli stomatolog o‘z g‘oyasini amalga oshirishga qaror qilgan.
Plastik g‘ilof bayram shamlarni mustahkam ushlaydigan qopqoqni o‘z ichiga oladi. Key uch turdagi “qalqon”larni chiqaradi: bir bo‘lak tort uchun alohida (4,99 dollar), shuningdek, baland va diametri katta tortlar uchun (14,99 dollar). Instagram’dagi videodan ko‘rish mumkinki, u to‘rtburchak konteynerlarni ham yasamoqda.
https://www.instagram.com/p/CGlORcTnXn5/?utm_source=ig_embed&utm_campaign=loading
Today mutaxassislar orasida so‘rov o‘tkazib, bu kabi g‘iloflar rostdan ham virusning tort yuzasiga tushishidan himoya qilishini tasdiqladi. Shu bilan birga, ularning aytishicha, virusning shamni puflayotgan tug‘ilgan kun egasining yonidagi odamga yuqish ehtimolligi yuqori.
Izoh (0)